Sarawak: RM8.00
Penulis: Jantan Umbat
Tibak Cherita / Sinopsis
"Ditu aku
madahka diri enda ulih nerima Jang agi laban tusah aku berunding. Manah belaya
dulu anang belaya dudi. Kami dua tu udah belega tiga taun setengah, taja aku
enda ulih nulak duit dikirum iya, tang ati aku udah tutup. Bara pengerindu aku
udah padam. Nya alai aku enda ulih nerima Jang pulai. Ku aku, tu sarak manis,
nadai enggau bantah enggau laya."
"Minta ampun Jang.
Nuan anang ngutuk aku. Ukai aku ke ngepunka penyerekang tua. Nuan udah magi
pengerindu nuan enggau orang bukai. Nuan ukai agi Jang ke ditemu aku lebuh tua
ke terubah betemu suba lalu begulai lebih tiga taun ke udah. Baka nya mega
pengerindu nuan enggau enggi aku udah berubah. Bendar ga aku udah mujuk ati aku
awakka tua ulih nampung pengerindu tua dikena nyeliahka iya enda putus di
tengah jalai tang nadai ubat ulih ngenyumanka telih ba ati aku. Suman pan iya
enti ngena jalai pura-pura, litan iya tetap meruan. Nuan ke mujuk ngumbuk aku
nya baka ke deka nirika mangkuk belah, baka ke deka negika tali basah."
No comments:
Post a Comment